प्राथमिक बिद्यालय स्थापनामा सहयोग गर्नेहरु सम्मानित

Radio Jaljala FM

रोल्पा, असोज २२
२०५२ सालमा स्थापित जनज्योति प्राथमिक बिद्यालय सरुवा भावाङको स्थापना गर्नेहरुलाई आज सम्मान गरिएको छ । सम्मानित  हुनेहरुमा तत्कालिन संस्थापक अध्यक्ष बिरबहादुर बुढा, सदस्यहरु मनप्रसाद घर्ति, नदी परियार, मनप्रसाद बुढा, लुद्रबहादुर घर्ति भोजमन बुढा लगायत रहनुभएको छ ।
कार्यक्रममा बिद्यालय स्थापनाकालदेखि अहिलेसम्मका बिद्यालय ब्यवस्थापन समिति प्रतिनिधि र बिद्यालय सम्बन्धी विभिन्न आर्थिक तथा जिन्सी समानहरुमा उच्चतम सहयोग गर्नुहुने सहयोगदाता गरी चालिस जनालाई सम्मान पत्र सहित प्रमुख अतिथिले सम्मान गर्नुभएको  गर्नुभएको थियो ।

भावाङका स्थानियहरुले आर्थिक संकन गरी सानो छाप्रोबाट स्थानीय अगुवाहरुले कक्षा १ हुँदै ३ कक्षासम्म  बिद्यालयको सुरुवात गरेका थिए । एउटै छाप्रोलाई तीन खण्डमा बिभाजन गरी कठिनपूर्ण अबस्थाबाट स्थापना गरिएको उक्त बिद्यालयमा अहिले कक्षा पाँचसम्म पढाई संचालन हुँदै आएको छ ।
बिद्यालयले २०५७ सालपछिमात्रै स्वीकृति पाएको थियो । हाल बिद्यालयमा अस्थायी १ रहात १ , निजिस्रोतबाट २ र  बालबिकास १ जना गरी जम्मा ५ जना शिक्षक शिक्षिका कार्यरत रहेको स्थानीय हुमप्रसाद बाँठाले जानकारी दिनुभयो ।  

आज एक कार्यक्रमका बिच बिशिष्ट अतिथि एमाओवादी आरबिएम हरिसरा घर्ति टिका, माबि भावांगका शिक्षक रणबहादुर डाँगि प्रमुख अतिथि , बिव्यास अध्यक्ष लोकेन्द्र बुढाको अध्यक्षतामा सम्पन्न कार्यक्रमको संचालन सदस्य सचिव चन्द्र बहादुर घर्तिले गर्नुभएको थियो ।

साथै कार्यक्रममा बिद्यालयको आर्थिक बर्ष २०६८ ÷६९ को बार्षिक प्रतिवेदन पनि प्रस्तुत गरिएको थियो । जस अनुसार आयतर्फ ७ लाख ९७ हजार ८ सय ५५ र ब्यय तर्फ ५ लाख ८ ८ हजार ५ सय ११ रुपैँया रहेको छ ।

कार्यक्रममा हरियाली आमा समूह र बिद्यार्थीहरुले बिभिन्न आकर्षक गित नृत्य प्रस्तुत गरेका थिए । कार्यक्रममा बिद्यार्थी, अभिभावक, अतिथि, बुद्धिजीवि गरी करिब २५० जनाको उपस्थिति रहेको  शिक्षक अभिभावक संघका अध्यक्ष हुमप्रसाद बाठामगरले जानकारी दिनुभयो ।