२१ असोज, काठमाडौं । युएईमा जारी एसीसी ट्रफी एलिट कप क्रिकेटमा साउदी अरेबियाले नेपालसामू १ सय ३२ रनको लक्ष्य प्रस्तुत गरेको छ ।
नेपालले केहीबेरमा जवाफी व्याटिङ गर्नेछ । यसअघि टस हारेर पहिले व्याटिङ थालेको साउदी अरेबियाले ४८ दशमलव ३ ओभरमा सबै विकेट गुमाएर १ सय ३१ रन बनायो । उसलाई सस्तैमा समेट्ने क्रममा कप्तान पारस खड्का र बसन्त रेग्मीले समान ३-३ विकेट लिए भने शक्ति गौचन र भुवन कार्कीले समान २-२ विकेट लिए ।
समूह चरणको दोस्रो खेलमा कुवेतसँग ४ विकेटको हार व्यहोरेको नेपाललाई अघिल्लो चरण प्रवेशको सम्भावना जीवीतै राख्न आजको खेल जित्नै पर्ने दबाव छ । तुलनात्मक रुपमा नेपाल साउदी अरब भन्दा बलियो टोली हो । तर, कुबेतसँग व्यहोरेको अप्रत्यासित हारका कारण नेपाली टोली आज साउदी अरबविरुद्ध सजकताका साथ खेल्ने रणनीतिमा छ ।
२ खेलबाट २ अंक जोडेको नेपाल समूह बीको तेस्रो स्थानमा छ भने हङकङ ३ खेलबाट ४ अंकका साथ शीर्ष स्थान र समान खेलबाट समान अंक जोडेको युएई रन रेटमा पछि पर्दै दोस्रो स्थानमा छ । कुवेत २ खेलबाट २ अंकका साथ चौथो स्थानमा छ भने पुछारमा रहेको साउदी अरेबीयाले अंक नै जोड्न सकेको छैन ।
No comments:
Post a Comment
radijaljalanews@gmail.com