२१ असोज, कास्की । नेकपा एमालेका महासचिव ईश्वर पोख्रेलले प्रधानमन्त्री डा वावुराम भट्टराईले सजिलै सत्ता नछोड्ने भएकाले राष्ट्रपतिले अन्तरिम संविधानमा रहेको अधिकार प्रयोग गरेर हटाउनु पर्ने वताउनु भएको छ । उहाँले प्रधानमन्त्री भट्टराईको बर्हिगमन नभएसम्म मुलुकले निकास नपाउने भएकाले राष्ट्रपतिले दलहरुको परामर्शमा राष्ट्रिय सहमतिको सरकार गठनका लागि आहृवान गर्नु पर्ने वताउनुभयो ।
नेकपा एमाले कास्कीले आइतवार पोखरामा आयोजना गरेको कार्यकर्ता भेटघाट कार्यक्रममा महासचिव पोख्रेलले प्रधानमन्त्री भट्टराईलाई सत्तावाट हटाएर दशैँअघि नै राष्ट्रिय सहमतिको सरकार गठन गरी मुलुकnmाई निकास दिनु पर्ने वताउनुभयो । उहाँले भट्टराईको नेतृत्वमा बनेको सरकारले राजनीतिक, संवैधानिक र नैतिक आधार गुमाइसकेकाले सरकारको बर्हिगमन अत्यावश्यक रहेको वताउनुभयो । पोख्रेले एमाओवादीको उग्रवामपन्थी शोच, अधिनायकवाद र सत्ता कब्जा गर्ने रणनीति एमालेले बुझ्न नसकेर नै मुलुक अहिले यस्तो स्थिति उत्पन्न भएको टिप्पणी गर्नुभयो ।
एमालेले संविधानसभा पुनःस्थापनाको पक्षमा नरहेको भन्दै उहाँले संविधानसभाले बनाएको संविधानको मस्यौदालाई सम्पत्तिको रुपमा लिँदै ताजा जनादेशका लागि संविधानसभाको नयाँ निर्वाचनमा जानुपर्ने वताउनुभयो ।
No comments:
Post a Comment
radijaljalanews@gmail.com