जुम्ला, भदौ ३० । प्रधानमन्त्री डाक्टर बाबुराम भट्टराईले कर्णालीको समग्र विकासका लागि प्रभावकारी योजनाहरू ल्याउने प्रतिवद्धता जनाउनुभएको छ । आज साढे ४ बजे जुम्ला पुग्नुभएका प्रधानमन्त्री भट्टराईले सरकारी कर्मचारीहरूसँगको छलफलमा कर्णाली क्षेत्रमा आकर्षक विकासका कार्यक्रम भएपनि निरन्तरता नपाएकोले अब त्यसलाई निरन्तरता दिन पहल गरिने बताउनुभयो । उहाँले कर्णाली विकास आयोग तत्काल गठन गरी त्यसको कार्यालय जुम्लामै स्थापना गरिने, कर्णाली राजमार्गलाई कालोपत्रे गरी स्तरवृद्धि गरिने पनि बताउनुभयो । प्रधानमन्त्रीले कर्मचारीहरूलाई जनताको सेवामा मन लगाएर काम गर्न पनि निर्देशन दिनुभयो । कर्णालीबासीको तर्फबाट तयार पारिएको मागपत्र जुम्लाका प्रमुख जिल्ला अधिकारी शालीग्राम शर्माले प्रधानमन्त्रीलाई पेश गर्नुभएको थियो । प्रधानमन्त्री भट्टराई आज जनयुद्धका सहिद परिवार मानसिंह सार्कीको घरमा बास बस्ने कार्यक्रम छ ।
Subscribe to:
Post Comments (Atom)
No comments:
Post a Comment
radijaljalanews@gmail.com