बिद्यालय व्यवस्थापन समितिको बैठक

स्थानीय समाचार Radio Jaljala FM

रोल्पा, भाद्र २२
श्री तारा माध्यामिक बिद्यालय लिवाङ ७ रोल्पाको अभिभावक भेलाका साथै बिद्यालय व्यवस्थापन समितिको बैठक शुक्रबार सम्पन्न भएको छ ।
बैठकले बिद्यालय व्यवस्थापन समितिमा नयाँ पदाधिकारीलाई चयन गरेको छ । समितिमा राजन कवर अध्यक्ष, सदस्यहरुमा सम्झना गिरी, भक्त बहादुर पुन, टेक बहादुर कवर, शिक्षाप्रेमी मान बहादुर गुरुङ र सस्थापक तर्फबाट नोखराज पोख्रेल रहनु भएको छ । समितिमा अन्य सदस्य पछि थप्ने निर्णय गरिएको छ ।
भेलामा लिवाङ श्रोत केन्द्रका श्रोत व्यक्ति राजेश सुबेदी, सिविन नेपाल रोल्पाका दामोदर आर्चाय, श्री कृष्ण प्राथमिक बिद्यालय धारापानीका थाम बहादुर कवर, शिक्षक शिक्षिका, अभिभावक लगायतको सहभागिता रहेको थियो ।
भेलामा बिद्यालयका प्रधानाध्यापक शिवराज पोख्रेलले बिद्यालयको आय व्यय प्रस्तुत गर्नुभएको थियो । बैठकमा युवा श्रृजनात्मक केन्द्रले बिद्यालय प्रति अभिभावकको सक्रियता बिषयमा नाटक प्रस्तुत गरेको थियो ।
बिद्यालय व्यवस्थापन समितिका निर्वतमान अध्यक्ष जोख बहादुर कवरको अध्यक्षतामा सम्पन्न कार्यक्रमको संचालन शिक्षक ओम सेनले गर्नुभएको थियो भने शिक्षक ओबिलाल गिरीले स्वागत मन्तव्य दिनुभएको थियो ।