दाङ, भदौ २७
सार्वजनिक सेवा प्रदायक निकायमा सुशासन तथा सामाजीक जवाफदेहिता बढाउन नागरिक जागरण बृद्धि गर्ने उद्देश्यले घोराहीमा आज एकदिने तालिम सम्पन्न भएको छ । मानव कल्याण तथा बाताबरण संरक्षण केन्द्रद्वारा सञ्चालित नगरिय सुशासनका लागी क्षमता बिकास कार्यक्रमको सहयोगमा टाउनप्लान बिकास समितिले सो तालिम आयोजना गरेको हो । तालिममा घोराही नगरपालीका वडा नम्बर १० अन्तरगतका बिभिन्न टोलका स्थानिय ४० जनाको सहभागीता रहेको थियो ।
तालिममा मानव कल्याण तथा बाताबरण संरक्षण केन्द्रका संस्थापक अध्यक्ष तथा कार्यक्रम संयोजक श्रीमन न्यौपानेले नगरिय सुशासनको लागी क्षमता बिकास कार्यक्रम बारेमा जानकारी र सुशासनका बिषयमा प्रशिक्षण दिनुभएको थियो ।
त्यसैगरी, पत्रकार माधब चौधरीले सामाजीक जवाफदेहिता र नागरिक वडापत्रको बारेमा प्रशिक्षण दिनुभएको थियो । तालिममा सहभागीहरुले अहिले सार्वजनिक सेवा प्रवाहको अबस्था सन्तोषजनक नरेको बताएका थिए । जवाफदेहिता बृद्धिको लागी राज्यले बिभिन्न निति नियम बनाएपनि ति नितिनियम व्यावहारिक रुपमा लागु नभएको र अझै पनि पहँुचवालाले मात्र राज्यको सुबिधान पाईरहेको बताएका थिए ।
टाउन प्लान बिकास समितिका अध्यक्ष दिलिप कुमार डिसिको अध्यक्षतामा भएको तालिमको शुरुवात तथा समापन चरणको सञ्चालन सचिव जिवि चिन्तनले गर्नुभएको थियो ।
No comments:
Post a Comment
radijaljalanews@gmail.com