२२ भदौ, काठमाण्डौं । युनेस्कोले विश्व सम्पदा क्षेत्रमा सूचीकृत काठमाण्डौंका सम्पदालाई खतराको सूचीमा राख्ने चेतावनी दिएको छ ।
विश्व सम्पदा सूचीमा सूचीकृत पशुपति क्षेत्र हुँदै अनधिकृत रुपमा तिलगंगा-ताम्रगंगा सडक विस्तार गरेको भन्दै यस्तो चेतावनी दिएको हो । २०११ मा युनेस्कोको मिसनले २०१३ फेब्रुअरीसम्म बाटो बन्द गर्न सचेत गराएको थियो । तोकिएको समयसीमा सकिन अव चार महिनामात्र बाँकी छ ।
पुरातत्व विभागका महानिर्देशक भेषनारायण दाहालले निर्देशन नमाने २०१३ को जुनमा हुने युनस्कोको ३७ औ बैठकले नेपाललाई खतराको सूचीमा राख्ने सम्भावना छ ।
उनले भने-’दुईपटकसम्म खतराको सूचीमा परेको राष्ट्रलाई युनेस्कोले चाहेमा विश्व सम्पदा सूचीबाट सँधैका लागि हटाउन सक्छ ।’ पशुपति स्मारक क्षेत्र भित्र स्लेश्मान्तक वनलाई समेत दुईभागमा विभाजन गरी पुरातत्व विभाग र पशुपति विकास कोषको स्वीकृति बिना बाटो खोलिएको छ ।
युनेस्कोले उक्त बाटो बन्द गर्न पाँच बर्षदेखि पटक पटक चेतावनी दिएपनि अझै कार्यान्वयन भएको छैन् । उक्त बाटो बन्द नगरे पशुपति क्षेत्रमात्रै नभई उपत्यका सातवटा सम्पदा खतराको सूचीमा पर्ने उनले बताए ।
No comments:
Post a Comment
radijaljalanews@gmail.com