स्थानीय महिला समूहद्वारा मदिरा तथा जुवातास खेल्न बन्द ।।

Radio Jaljala FM

रोल्पा, भाद्र २२
पश्चिम रोल्पाको ओत गाविस वडा नंं. ५ मा स्थानीय महिला समूहले जुवातास खेल्न र जाडरक्सी खान बन्द गर्ने निर्णय गरेको छ ।
ओत ५ मा रहेको मनकामना महिला समूहले जुवातास खेल्दा र जाँडरक्सी खाँदा गाउँमा विकृति फैलिएको ठहर गर्दै यसलाई पूर्ण रुपमा नियन्त्रण गर्ने उद्देश्यले यस्तो निर्णय गरेको अध्यक्ष दीपा घर्तीमगरले बताउनुभयो । 
महिला समूहले असोज ५ गतेसम्म प्रचारप्रसार गर्ने र त्यसपछि पनि समूहको निर्णय विपरित कसैले यस्तो कार्य गरको पाइएमा कडा कारबाही गर्ने निर्णय समेत गरेकोछ ।
महिला समूहको यो प्रयासले गाउँको सुशान र शान्तिमा केही राहत पुग्नुकासाथै जुवातास तथा मदिरासेवनबाट हुने उच्छृङ्खल गतिबिधि र दुर्घटना कम हुने स्थानीय सपना बुढा मगरले विश्वास व्यक्त गर्नुभयो ।